Frar dad Onna, fa quitaus per sia sora e sto sez dar adatg, ch’el vegni buca a mauns, sch’el seriscuda memia fetg encunter igl oberkeit.
Gada Fontana (Esther Berther)
Ella dat perdetga encunter l’Onna, perquei che duas da sias vaccas ein crappadas.
Sur Stiafen (Alfred Spescha)
Era el crei ch’ei detti strias, perquei che la carstgaunadad fetschi ton puccau e che Dieus castigi ils carstgauns. El intimescha l’Onna da dir paternos e da far penetienzia.
Urschla de Mulin (Sonja Lutz)
La dunna dil Martin fa quitaus pervia da sia quinada. Ella vul che l’Anna vegni tier els, denton fugir vul ella buca – ‘nua fugir en quels temps’?
Scarvon Gion Paul (Lucas Defuns)
El scriva il protocol cun nudar quei che las perdetgas dian el process sco era il confess d’Onna. Ei giuvens e sa mintgaton buca co seriscuder encunter las perdetgas.
Barla (Pia Lutz)
Ella dat perdetga, perquei ch’ella ha viu in tgaper ch’ei sgulaus vi avon la casa da l’Onna.
Giachen (Rinaldo Giger)
Era el dat perdetga. perquei che siu nevs ei vegnius malsauns, suenter ch’el ha magliau in meil da l’Onna.
Alexander Stripling
Era ella dat perdetga, perquei ch’in giat ner ei siglius en ad ella. La Giulia fa valer che l’Onna seigi semidada en quei giat. Suenter che l’Onna ei vegnida sentenziada alla mort, ha ella schliata cunscienzia.
Toni (Silvan Venzin)
El dat perdetga, perquei ch’el ha viu in tgaper ch’ei sgulaus vi avon la casa da l’Onna.
Giusep (Beni Simeon)
El dubeta ch’ei detti strias e critichescha il mistral.
Nesa (Jasmin Lutz)
Feglia dil Martin e dall’Urschla, teidla, co sia onda raquenta la historia dalla dunna cun la schuba cotschna.
Muniessa Maria (Christina Bundi)
Ella ei la sora da Sur Stiafen e capescha buca, pertgei che la dertgira vul torturar e truar alla mort ina femna innocenta.
Il hentger (Martino Sabbadini)
Quei um vegn si da Cuera. El sto torturar e scavazzar las persunas che confessan il delict da striegn. Scavazzar = tagliar giu il tgau fuva la sentenzia usitada en las Treis Ligias (Grischun). Mo paucas persunas ein vegnidas barschadas vivas.
Anna (Leina Flepp)
Ella ei la niaza da l’Onna e stat cun ella ensemen, perquei ses geniturs ein morts ella lavina. Era ella vegn suspectada sco stria (‘quei schai en famiglia’).
Ueibel Giuli (Ricardo Flepp)
In giuven ‘polizist dil vitg’. El sto metter a ferm l’Onna, denton ha el era in egl sin sia niaza, l’Anna. Denton vul saver nuot dad el ed ord delusiun accusescha el ella, d’era esser ina stria.
Ils affons
Els fan in giug sur da strias. Els creian ch’ei detti strias, els san tgei che quellas dueigien haver fatg e tgei che schabegia cun quellas. Els ein bein informai, perquei che tuts tschintschavan da quei temps sur da strias e perquei ch’ina sentenzia vegneva prelegida publicamein.
Da saniester; Nando Lozza, Yasmine Nayen, Alina Caminada, Franca Demont, davon David Strupler davos Pia Lutz,davon Simon Strupler, davos Livio Lozza (capialla grischa), Luana Lutz, davon Timo Lozza, davos Matteo Candinas ( capialla nera ) Zylan Ayhan, Silvan Venzin
Ils statists / las statistas Madlen Deflorin Helena Lozza Gion Duri Maissen Sigisbert Beer Flavio Deflorin Hubert Giger Jannis Venzin Serafin Bundi
