L’actura Marina Blumenthal ei naschida 1985 e carschida si a Morissen en Val Lumnezia. Marina lavura sco actura, reschissura e pedagoga da teater. 2008 ha ella serrau giu siu studi alla Scola aulta da pedagogia dil Grischun a Cuera. 2012 – 2015 ha ella studegiau alla scola da teater professiunal Comart a Turitg.
2017 representa Marina la Svizra al congress mundial dil teater professiunal per giuvenils ed affons ASSITEJ ell’Africa dil Sid a Kapstadt.
2016 retscheiva Marina Blumenthal il premi da promoziun dil cantun Grischun.
Dapi 2016 lavura ella sco pedagoga da teater alla scola da teater professiunal Comart a Turitg e meina cuors da teater per affons e giuvenils per il Teater giuven Grischun (purtader dil premi svizzer da teater 2016).
Sco actura independenta ha ella differents engaschaments, denter auter: Giaglina Ida e Stgilat Pilat- reschia Roman Weishaupt, Kulturrevolution- eine Art- Fiction von Georg Scharegg & Ensemble el Teater Cuera, reclama per la ÖKK- reschia Jon Barber, Rezia Libra SRF Comedy Frühling, Märlitheater Zürich- Reschia Ruedi Haas, Comander- Eine historische Kriminalkomödie- reschia Roman Weishaupt, film Angelika Kauffmann- reschia Fred van der Kooij, TedX Zürich, ModeSchaufenster- moda Ida Gut ed Elternhaus Hamburg- reschia Rudolph Straub ed Alexandra Prusa, plidadra ed actura per Radiotelevisiun Svizra Rumantscha RTR
Reschissura, producenta ed actura dil toc Liverpool- Duo Blumenthal&Stadelmann cun Kim Emanuel Stadelmann.
Actura e commembra da Bagat, producziun da teater romontscha per affons e famiglias.
Reschissura da differentas producziuns cun giuvenils pil Teater Giuven Grischun, pil Teater Cuera e per l’Uniun da teater Cuschnaus.
Menadra da workshops e cuors per carschi, giuvenils ed affons.
Marina Blumenthal viva a Turitg e lavura el Grischun ed a Turitg
